منتديات عرب سوفت

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



    ☆ ســـاندريـــلا☆

    شاطر
    avatar
    المدير العام
    المدير العام
    المدير العام

    بلدي : 1

    ذكر

    عدد المساهمات : 215

    ☆ ســـاندريـــلا☆

    مُساهمة من طرف المدير العام في الخميس ديسمبر 30, 2010 11:41 am

    ...

    تدخل زوجة الاب على سندريلا لتجدها نائمة تحت السرير كالعادة


    زوجة الاب : هاطفلة نوضي الله لاتربحك
    سندريلا : ايييييييييييييه دقيقة برك نخطف حلم 5 دقائق ونجي
    زوجة الاب: نوضي يا طفلة قامت قيامتـك
    سندريلا: اففففففففف هاني نضت
    زوجة الاب : هيا نوضي اكنسـى وامسحى حتان نجيو
    سندريلا : ونتوما وين رايحين بهاذ الحطة ياو
    زوجة الاب : رايحين حفله الامييير الي رح يخير طفلة يتزوجها

    سندريلا : ادوني معاكم علاه علاه


    زوجة الاب : طيري على جدي قالو نروح معاكم وين حتروحي اقعدي نجي نلقا الدار تبرق لنجيفك
    وراحت زوجة الأب مع بنات اخوها وخلاو ساندريلا وحدها



    وساندرييلا



    صور أنمي متحركة ....











    ماتت بالفرحة كي خلاوها تقعد مع النت واحد ما يقلقها

    جابت موبيلها ورايحة تبيبي لأصدقائها الي تفاهمت معاهم كي يروحو يدخلو يحكيو معاها ف الستار

    وكي جات تبيبي سمعت واحد المخلوقة تقول

    إن رصيد حسابكم غير كاف لإجراء هذه المكالمة

    تيت تيت تيت تيت

    حزنت ساندريلا كثيرا

    وفجــأه خرجتلها الســاحره من الميكرو

    الساحره : وش كاين اطفلة



    سندريلا : كنت نستنى فيهم يخرجو باه نحكي مع اصدقائي والأمير وكي جيت نبيبيلهم خلاصلي الرصيد
    الساحره : ياي ماتتقلقي ماوالو

    خيري نفليكسيلك باش تتلاقاي مع اصدقائك هنا ف الستار

    ولا نديك لحفلة الأمير

    قالتلها ساندريلا وبدون تفكير : ياي فليكسيلي نحكي معاهم هنا خير

    وطارت الساحرة لطاكسيفون ياسر وقاتلو هاياسر وليدي مازالو مافيراوليش فليكسي لأختك ساندريلا

    كي نخلص راني نردلك دراهمك

    ومبعد راحت لواحد (بدون ذكر الاسم ) لقات الحفلة في قصرهم

    احم احم لقاتو هو الأمير ههه

    قاتلو الله الله المخلوقة من صباح ربي تحوس تبيبيلكم وانت عاجبك الحال هنا ياو اصبر درك نقوللها يا خاين

    ومبعد راحت لذات القلب المجروح 14 لقاتها راقدة ماقدرتش تنوضها

    وحسام يييييييييييه هههه لقاتو مازال مع اللحم قالها مانقدرش ندخل للستار

    وسندس لقاتها مريضة وقالتلها وصليلها سلامي وقوليلهم كامل يدعيولي نرتاح

    ورضا لقاتو مازال يفتش عالبشماق الي رح يديه لخطيبتو وياعيني خطيبتو ثاني راهي في حفلة الأمير

    وهاجر لقاتها هي ثاني في حفلة الأمير

    وريح عاقل مشغول مع التصاميم

    يعني اصدقاء ساندريلا كامل مشغولين

    ولازمها تروح هي ثاني لحفلة الأمير

    صور أنمي متحركة ....

    فكرت الساحرة كثيرا

    وذهبت الى اقرب محل فيه الصولد ههه (الساحرة الفقيرة)

    ودخلت لقات صاحب المحل يحكي ف التيليفون مع بنتو قالها ال12 نديك للحفلة

    مالا سرقت اجمل فستان ف الحانوت بلا مايفيق


    وجاباتو لساندريلا



    و جابتلها صباط قديم معندها

    وراحت لساندريلا قالتلها:شوفي لازمك ترجعي قبل 12 والوقت كالحبل ان لم تقطعة ربطك

    ولوكان تتأخري

    تجي بنت مول الحانوت وتبدهلك قدام الغاشي



    سندريلا :اوكي يا خالتو السراقة اه قصدي السحارة ههه كي تبيبيلي نخرج

    خرجت ساندريلا من الدار لقات الساحرة سارقة موطو ثاني هه قالتلها نوصلك وماتنسايش كي نشوف مول المحل نبيبيلك اخرجي اوكي
    ووصلو للقصر

    ودخلت ساندريلا

    لقات جماعتها كامل ثم هههه

    وشافها الأمير






    وكي جا رح يحكي معاها









    بيباتلها الساحرة



    سندريلا : ياه نندب مازال ال12 وش بيها هذي جا مول الحانوت ول

    وراحت تجري

    وطار الطالون تاع الصباط بيسك قديييم
    وكي جرا وراها الأمير

    لقا الطالون
    الامير : يا وزير شوشو

    الوزير : امرك مولاى

    الامير : هاك الطالون هذا سكانيه
    و نزل صورو فى كل الجرائد و ع النت

    في منتديات ستار تايمز

    والفايس وقنوات بلادنا كامل
    واكتب :الى صاحبه هذه السومال القديمة التوجه للقصـر الملكــى فوراااااااااا

    ممممممممممممممممممممممممممممم

    ......

    هنا تنتهي حلقة اليوم

    وسيتم النقل المباشر لنهاية الحكاية قريبا

    على قناة الدردشة والفرفشة
    avatar
    شاوشي
    مشرف مميز
    مشرف مميز

    بلدي : 1

    ذكر

    عدد المساهمات : 390

    رد: ☆ ســـاندريـــلا☆

    مُساهمة من طرف شاوشي في السبت أغسطس 06, 2011 7:26 pm

    cheers موضوع متميز وعضو متميز
    مشكووووووووووووووووووووووور cheers


    _________________
    المنتدى اسس لاجلكم فساهمو في تطويره

      الوقت/التاريخ الآن هو السبت مايو 26, 2018 11:12 pm